Հայաստանում Ճապոնական Բուդո մարտարվեստ փառատոնի եզրափակիչ օր  (տեսանյութ)

Հայաստանում Ճապոնական Բուդո մարտարվեստ փառատոնի եզրափակիչ օր (տեսանյութ)

Share

2016 թվականի սեպտեմբերի 11-ին Հայաստանի «Դինամո» մարզադահլիճում ժամը 14:00-ից 16:30 տեղի ունեցավ Ճապոնական Բուդո մարտարվեստի փառատոնի եզրափակիչ մասը: Այդ փառատոնի գլխավոր կազմակերպիչներն էին ՀՀ-ում Ճապոնիայի դեսպանությունը և ՀՀ Սպորտի և Երիտասարդության հարցերի նախարարությունը:

Բացման արարուղությանը ելույթ ունեցավ ՀՀ-ում Ճապոնիայի արտակարգ և լիազոր դեսպան Էիջի Տագուչին:

Բացման արարողությունից հետո տեղի ունեցան Հայաստանի կարատեի ազգային ֆեդերացիայի, Հայաստանի այկիդո այկիկայ ֆեդերացիայի, Հայաստանի ձյուդոյի ֆեդերացիայի, JKA Armenia ճապոնական կարատեի ասոցիացիայի հիանալի ցուցադրական ելույթները:

Որից հետո եղավ կարճ ընդմիջում, որի ընթացքում երկու երգեր կատարվեցին:

Այնուհետև սկսվեց ցուցադրական ելույթների երկրորդ մասը, որի ընթացքում ելույթ ունեցան Այկիդոյի հայկական ասոցիացիան, Բուդոշին մարտարվեստների ֆեդերացիան, Կենդոյի  Հայկական Ակումբի  և Ճապոնիայից ժամանած Շինջուկու կենդո ֆեդերացիայի և անդամները:

Իսկ փակման արարողությանը, իրենց շնորհակալական խոսքերն ասեցին ՀՀ սպորտի և երիտասարդության հարցերի նախարար Գաբրիել Ղազարյանը, Ձյուդոյի ֆեդերացիայի փոխնախագահ Դավիթ Խիթարյանը և ճապոնական Շինջուկու կենդո ֆեդերացիայի սենսեյ Միցունորի Մացումուրան:

Հեղինակ՝ Հ. Մուրադյան