Փետրվարի 29-ին տեղի ունեցավ Ճապոնիայի միջազգային համագործակցության գործակալության (JICA) շրջանավարտների տարեկան հաշվետու ժողովը, որի ժամանակ ամփոփվեցին 2023 ֆինանսական տարվա գործունեության արդյունքները։
Բացման խոսքով մասնակիցներին ողջունեցին Հայաստանում Ճապոնիայի արտակարգ և լիազոր դեսպան պարոն Աոկի Յուտական և JICA վրաստանյան գրասենյակի մշտական ներկայացուցիչ պարան Մորի Հիրոյուկին։
Միջոցառմանը ներկա էին ներկայացուցիչներ գործընկեր նախարարություններից և գերատեսչություններից, և իհարկե JICA կրթական ծրագրի շրջանավարտներ։
Սույն ֆինանսական տարվա ընթացքում JICA-ի ֆինանսավորմամբ իրականացվել է 3 Մինի-գրանտ դրամաշնորհային ծրագիր։
1․ «Ճանաչողական և վարքագծային ուսուցման իրականացում՝ որպես սեյսմիկ ռիսկի նվազեցման կարևոր բաղադրիչ»
Ծրագիրը նախատեսված էր բարձրացնել Խարբերդի մասնագիտացված մանկատան շահառուների և անձնակզմի տեսական գիտելիքներն ու վարքաբանական հմտությունները` երկրաշարժից պաշտպանվելու նպատակով:
Ծրագիրն իրականացրել է ՀՀ ՆԳՆ սեյսմիկ պաշտպանության պետական ոչ առևտրային կազմակերպության տարածքային հետազոտության տնօրեն Sos Margaryanը:
2․ «Թափոնների կառավարման համակարգի կատարելագործում»
Ծրագրի շրջանակներում ձեռք է բերվել պլաստիկ թափոնների պռեսավորման մեքենա՝ վերամշակվող թափոնները վերամշակման օբյեկտներ հասցնելու գործընթացն ավելի արդյունավետ և էկոլոգիապես մաքուր դարձնելու համար։ Ծրագրի գլխավոր նպատակն է բարելավել թափոնների կառավարման ներկայիս համակարգը և նվազեցնել թունավոր արտանետումները:
Ծրագիրն իրականացրել է «Համայնքների կայուն զարգացման նորարարական լուծումներ» ՀԿ տնօրեն Մխիթար Ավետիսյանը
3․«Քո քաղաքի պատմությունը» ներառական ֆիլմի ստեղծում» լսողական խնդիրներ ունեցող մարդկանց համար։
Ծրագիրն իրականացրել է Երևանի պատմության թանգարանի գիտակրթական և մշակութային ծրագրերի համակարգող Gevorg Orbelyanը։
https://yhm.am/archives/14982?lang=en
https://www.youtube.com/watch?v=Cxw7G6Pzl6w
Շնորհակալություն ենք հայտնում բոլոր զեկուցողներին, շրջանավարտներին և գործընկերներին հանդիպմանը մասնակցելու համար։
Ապրիլից մեկնարկում է նոր ֆինանսական տարի՝ նոր մարտահրավերներով և հնարավորություններով։ Բոլորիս մաղթում եմ արդյունավետ աշխատանք, իսկ արդյունքներով կիսվելու համար կհանդիպենք մեկ տարի անց
նյութը վերցված է Ruzan Khojikyan