Ճապոնական թմբուկի համերգ նոյեմբերի 29(տեսանյութ)

2017 թվականի նոյեմբերի 29-ին Երևանի Հովհաննես Թումանյանի անվան պետական տիկնիկային թատրոնում (Սայաթ-Նովայի պող. 4) ժամը 19:00-ից 21:00-ը տեղի ունեցավ Իչիտարոյի　 «Խաղաղության ձայներ»՝ ճապոնական համերգը։ Համերգը նվիրված էր Ճապոնիայի և Հայաստանի միջև դիվանագիտական հարաբերությունների հաստատման 25-ամյակին:

Համերգի բացմանը հանդիսատեսին ողջունեց Հայաստանում  ՀՀ-ում Ճապոնիայի արտակարգ եւ լիազոր դեսպան Էիջի Տագաչին   և ՀՀ մշակույթի նախարարության աշխատակիցը, քանզի  ՀՀ-ում Ճապոնիայի դեսպանատան և ՀՀ մշակույթի նախարարության կողմից էր կազմակերպվել այդ հրաշալի համերգը:

Այնուհետև սկսվեց ճապոնական թմբուկի (վադայկո)  կատարումը:

Առաջին կատարումից հետո պարոն Իչիտարոն ներկայացրեց համերգի մյուս հյուրին՝ ճապոնական ֆլեյտաներ նվագող Կոջի Կիսիդային և նրանք միասին հիանալի ելույթ ունեցան:

2017 թվականի  նոյեմբերի 30՝ Վանաձորի Հովհաննես Աբելյանի անվան պետական դրամատիկական թատրոնում (Թատերական փող. 3ա շենք)  կայանալու է նույն համերգը:

Հեղինակ՝ Հ. Մուրադյան