<<Աստված երջանկություն տա նրանց: Թոմը շատ լավ տղա է: Նա շատ է սիրում Նորավանքը, ուստի որոշվեց նրանց միասնությունը օրհնենք հենց այստեղ: Հարսանիքն ամբողջությամբ հայկական ավանդույթներով է>>,-ասաց Թոմի զոքանչը: Թոմն ու Լիլիթն աշխատում են ՄԱԿ-ի երևանյան գրասենյակում: Նրանց երևանյան հարսանիքին ներկա էին նաև գյումրեցի ընտանիքի ճապոնացի խնամիները: Ծագող արևի երկրից Հայաստան էին եկել փեսայի հարազատներն ու ընկերները: <<Թոմը հայերեն փայլուն գիտի, նա մասնագիտությամբ տնտեսագետ է: Ինչ վերաբերում է ճապոնացի խնամիներին, ապա ասեմ՝ ուրախության լեզուն ընդհանուր է, ուստի մենք միմյանց այս օրերին լավ ենք հասկանում>>,-կես կատակ նշեց Լիլիթի մայրը: Դեռևս պարզ չէ` ամուսնությունից հետո հայ – ճապոնացի զույգը որտեղ կնախընտրի ապրել` Հայաստանում, թե Ճապոնիայում:
նյութը վերցված է՝ http://ankakh.com/article/17095/hay-tjapvonakan-psakadruthyun-nvoravanqumlusankarnyer
Հայ-ճապոնական պսակադրություն` Նորավանքում/լուսանկարներ/
Հայաստանում զբոսաշրջային սեզոնը բացվել է: Մեր երկրի զբոսաշրջային ուղղություններն արդեն իսկ հյուրընկալում են բազմաթիվ հյուրերի ոչ միայն Հայաստանից, այլև արտասահմանյան երկրներից:
Վայոց ձորի լեռնային վայրերը ոգևորել են ռուսաստանցի սուր զգացողությունների սիրահարներին: Արենի չհասած` ճանապարհին կարելի է տեսնել ռուսաստանցի Յուլյային և Արկադիին, որոնք` օդապարիկներով սավառնում են Հայաստանի գեղատեսիլ այդ վայրերում
բարձրությունից վայելելով հայկական լեռնաշխարհի գրավչությունները:Նրանց ուղեկցող հայ աշխատակցի խոսքով` Մոսկվայից ժամանած հյուրերից Արկադին մի քանի տարի է, ինչ տուրիստական այս ամիսներին գալիս է Հայաստան, Յուլյան` առաջին անգամ է մեր երկրում: 
Մարզի զբոսաշրջային այցեքարտերից է նաև 13-14-րդ դարերի Նորավանք վանքային համալիրը, որ դեռևս վաղ միջնադարում, ըստ Ստեփանոս Օրբելյանի, սրբատեղի է եղել: 13-րդ դարասկզբին այն եղել է Սյունիքի հոգևոր կենտրոնը: Եվ ահա այստեղ` պատմամշակութային հնավայրում` միջնադարյան Նորավանքում էլ բոլորի ուշադրությունը գրավել էր արևելքից ժամանած հայուհու ճապոնացի փեսացուն:
Թոմ Տաջիցուն խնդրել է գյումրեցի Լիլիթ Անգուրյանի ձեռքը: Նրանց ամուսնության պսակն օրհնվեց Նորավանքում: Հարսնացուի մայրըԱնկախ-ի թղթակցի հետ զրույցում ասաց, որ ընտրությունը թողել են զավակներին, և եթե իրենց դուստրը ընտրել է ճապոնացի տղայի, ապա իրենք չեն խառնվել:
