2018 թվականի փետրվարի 25-ին ժամը 10:30-ից 12:30-ը Իրոհա կենտրոնում տեղի ունեցավ ճապոնական Սեցուբուն տոնի այս տարվա տոնակատարությունը:
Միջոցառման սկզբում կենտրոնի ուսուցիչներ Զարինեն և Շուշանիկը պատմեցին տոնի մասին, որից հետո կենտրոնի այդ օրը ներկա բոլոր անդամները երգեցին այդ օրվան նվիրված երգը:
Որից հետո բաժանվեցին երկու սենյակներում, քանզի խումբը մեծ էր մեկ սենյակում չէին տեղավորվի
և կենտրոնի երկու սենսեյների՝ Մինամիե Սյուիծիի և Ռուզան Խոջիկյանի բացատրությամբ յուրաքանչյուր ոք պատրաստեց իր համար էհոմակի:
Այնուհետև երկու սենյակների ուսանողները իրենց ձեռքերով պատրաստած էհոմակիներով գնացին հյուրասենյակ և այդ տարվուն պահանջվող ուղղությանն ուղղված այդ տոնի կանոնների համապատասխան մեկ շնչով, անաղմուկ կերան այն:
Իսկ հետո ամեն ոք ընդհանուր ամանից վերցրեց և կերավ իր տարիքից մեկ հատ ավել ընդեղեն:
ԵՎ վերջում կատարեցին մամեմակի արարողությունը- այն է դևի դիմակ հագած երկու մարդկանց վրա նետել սիսեռազգի, համոզված լինելով, որ այդ տարվա չարիքները կխափանվեն:
Հեղինակ՝ Հ. Մուրադյան