2016 թվականի ապլիլի 13-ին կենդո մարտարվեստի վարպետ Ռենշի 7-րդ դան, Յորիհիկո Մաենո Սենսեյի դասընթացը Հայաստանում

13.04.2016 թվականին Ճապոնիայից  ժամանած  “Kendo” մարտարվեստի միջազգային կարգի վարպետ, Ռենշի  7-րդ դան, Յորիհիկո Մաենո Սենսեյը  Դավիթաշենի երրորդ թաղամաս 6/1 հասցեում գտնվող դահլիճում ժամը 7-ից 8:30  անցկացրեց կենդո մարտարվեստի  իր առաջին սեմինարը:

Մինչ բուն դասը սկսելը նա  սովորեցրեց կենդոյի համազգեստ հագնելու ձևը:

Այս պահին Հայաստանում կա միայն  երկու մարզահագուստ: Մարզիչը Ճապոնիայից որպես նվեր 4 հատ ուղարկել է, ինչպես նաև իր հետ բերած մեկ համազգեստը թաղնելու է հայ մարզիկներին: Հայ մարզիչ Արթուր Պողոսյանը մարզազգեստը հագնելուց ծիծաղելով ասաց, թե իրեն թվում էր թե հակաման ծալելն է շատ բարդ գործ, բայց հիմա հասկանում է, որ դրանից շատ ավելի բարդ գործ կա:

Այնուհետև Մաենո սենսեյը սկսեց հավաքված մասնակիցներին բացատրել կենդո մարտարվեստի նրբությունները:
Որից հետո խմբի հետ ողջյունի արարողակարգը կատարելուց հետո խմբին սկսեց սովորեցնել կենդոյի քայլելու արվեստը:

Մաենո սենսեյը խմբին հատուկ զգուշացրեց, որ ոտքերը գետնից առանց պոկելու սահեցնելով պետք է քայլեր կատարել կենդո մարտարվեստում, ետևի ոտքի կրունկը միայն մեկ միլիմետր բարձր պահել: Վերջում նա ավելացրեց, որ այդպիսի քայլելաոճը մարդուն առողջ է պահում,  դրա վառ օրինակը ինքն է, որն այդ պահին 77 տարեկան է:
Այնուհետև մասնակիցներին սովորեցրեց որոշ տեխնիկաներ:

Վերջում նորից մի 5 րոպե քայլելու տեխնիկա արեցին, հետո շնորհակալություն հայտնեցին խոնարհվելով:

Սա Մաենո սենսեյի Հայաստանում այս տարվա առաջին դասն էր: Նա այս տարի Հայաստանում մնալու է 4 ամիս և բնականաբար անցկացնելու է մարզումներ: Մարզումները լինելու են երկուշաբթի, չորեքշաբթի, ուրբաթ օրերին այն նույն դահլիճում, սկզբից երեկոյան 6:30-ից 8-ը, հետո, հետագայում անհրաժեշտության դեպքում կլինեն դասաժամերի փոփոխություն:

Մաենո սենսեյի առաջին անգամ 2015 թվականին մեկ շաբաթով Հայաստանը պարզապես դիտելու նպատակով այստեղ ժամանելուց հետո որոշում է կայացրել այս տարի այս երկրում 4 ամիս մարզումներ անցկացնել: Նա նախատեսում է նաև 2017 թվականին ապրիլից հուլիսը գալ Հայաստան մարզումներ անցկացնելու նպատակով:

Հեղինակ՝ Հ. Մուրադյան