2017 թվականի հուլիսի 10-ին Երևան քաղաքի Արմենակ Արմենակյանի շ:202/վ բն: 17 հասցեում բացվել է ՋԱՌ ճապոնա-հայկական հարաբերությունների զարգացման Հասարակական կազմակերպությունը:
էլ. հասցե: info@japanarmenia.com
Կայք: japanarmenia.com
077381187
ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅԱՆ ԱՌԱՐԿԱՆ և ՆՊԱՏԱԿՆԵՐԸ
2.1. Կազմակերպության գործունեության առարկան /խնդիրները/ և նպատակներն են՝ օրենքով սահմանված կարգով՝
2.1.1. Իր գործունեությամբ նպաստել Հայաստանում ճապոնական մշակույթի և զբոսաշրջության, Ճապոնիայում հայկական մշակույթի, զբոսաշրջության լուսաբանմանը, հանրահռչակմանը և զարգացմանը:
2.1.2.Գործուն մասնակցություն ունենալ և աջակցել ճապոնա-հայկական հումանիտար փոխհարաբերությունների խորացմանը և զարգացմանը:
2.1.3. Աջակցել քաղաքացիական հասարակության ձևավորմանն ուղված իրականացվող միջոցառումներին:
2.1.4. Սույն նպատակների սահմաններում կազմակերպությունն առաջնահերթ խնդիր է դնում՝ լուսաբանել Հայաստանում տեղի ունեցող Ճապոնիայի հետ առնչվող միջոցառումները,
2.1.5. Ճապոնախոս, անգլիախոս և հայախոս հասարակությանը ներկայացնել հայ մշակույթի մասին տեղեկատվություն, պատմամշակութային ժառանգության, հուշարձանների, թատրոնների, թանգարանների, գրադարանների, հնավայրերի և զբոսաշրջային այլ հնարավորությունների մասին,
2.1.6.Ուսումնասիրել և հայախոս ու անգլիախոս հասարակությանը ներկայացնել ճապոնական պատմամշակութային ժառանգության մասին տեղեկատվություն,
2.1.7. Համագործակցել Հայաստանի և արտերկրի ճապոնական կազմակերպությունների հետ
2.1.8. Ներկայացնել և պաշտպանել Կազմակերպության անդամների միացյալ շահերը պետական և տեղական ինքնակառավարման մարմիններում, հասարակական և միջազգային կազմակերպություններում:
2.2. Առաջնահերթ խնդիրների լուծման ապահովման նպատակով կազմակերպությունն օրենքով սահմանված կարգով իրականացնում է բազմաբնույթ տնտեսական և գործնական միջոցառումներ, համակարգային վերլուծություններ, սոցիոլոգիական հարցումներ, քննարկումներ, գիտական սեմինարներ, ուսուցողական դասընթացներ, խորհրդատվություն, գիտաժողովներ, դրանց արդյունքների ամփոփմանն ուղղված տեղեկատվական, թարգմանչական, հրատարակչական և այլ բնույթի աշխատանքներ և այլն:
3. ԿԱԶՄԱԿԵՐՊՈՒԹՅԱՆՆ ԱՆԴԱՄԱԳՐՎԵԼՈՒ ԵՎ ԱՆԴԱՄՈՒԹՅՈՒՆԻՑ ԴՈՒՐՍ ԳԱԼՈՒ ԿԱՐԳԸ
3.1. Օրենքով սահմանված կարգով կազմակերպության անդամ կարող է դառնալ Հայաստանի Հանրապետության, ինչպես նաև օտարերկրյա ցանկացած քաղաքացի, քաղաքացիություն չունեցող անձ /ինչպես նաև Կազմակերպության անդամ դառնալու իրավունք ունեցող իրավաբանական անձ/, որը ցանկանում է մասնակցել նրա գործունեությանը և ընդունում է կազմակերպության կանոնադրությունը:
3.2. Կազմակերպության հիմնադիրներըԿազմակերպության գրանցումից հետո օրենքի ուժով համարվում են Կազմակերպության անդամներ:
3.3. Կազմակերպության անդամ դառնալու ցանկություն ունեցող անձը գրավոր դիմում է Կազմակերպության խորհրդին /այսուհետ/:
3.4. Կազմակերպության անդամ դառնալու ցանկություն ունեցող իրավաբանական անձը իր իրավասու մարմնի որոշումը ներկայացնում է Խորհրդին:
3.5. Մինչև տասչորս տարեկան անձը Կազմակերպության անդամ կարող է դառնալ իր ցանկությամբ՝ օրինական ներկայացուցչի դիմումի հիման վրա:
3.6. Տասնչորսից մինչև տասնութ տարեկան անձը, եթե օրենքով սահմանված կարգով գործունակ չի ճանաչված, Կազմակերպության անդամ կարող է դառնալ իր դիմումի հիման վրա՝ օրինական ներկայացուցչի գրավոր համաձայնությամբ:
3.7. Կազմակերպության անդամության մեջ ընդունելու հարցը լուծում է Խորհուրդը:
3.8. Անդամակցության դիմումը մերժելու դեպքում խորհրդի կողմից դիմումատուին ուղարկվում է գրավոր պատճառաբանված մերժում:
3.9. Կազմակերպության անդամագրված անձը կարող է ցանկացած ժամանակ դուրս գալ կազմակերպությունից՝ այդ մասին գրավոր դիմում /իրավաբանական անձի դեպքում՝ իրավասու մարմնի որոշում/ ներկայացնելով խորհրդին: Կազմակերպության անդամությունից զրկումը տեղի է ունենում Խորհրդի որոշմամբ:
3.10. Կազմակերպության այն անդամը, որը պարբերաբար խախտում է սույն կանոնադրության դրույթները կամ չի կատարում Կազմակերպության ղեկավար մարմնինների պարտադիր կատարման որոշումները՝ Խորհրդի որոշմամբ զրկվում է անդամությունից: Վերստին նրա անդամագրումը կատարվում է ընդհանուր հիմունքներով: