Ճապոներեն երգեր՝ «Հայաստանի Փոքրիկ Երգիչներ»-ի կատարմամբ (տեսանյութ)

Ճապոնական հայտնի «Վիկտոր Էնթերթեյնմթ» կազմակերպության հետ համագործակցության շրջանակում «Հայաստանի Փոքրիկ Երգիչներ»-ը կներկայացնեն ճապոներեն երգեր: Այդ մասին այսօր լրագրողների հետ զրույցում նշեց «Հայ Փոքրիկ Երգիչներ» միջազգային ասոցիացիայի նախագահ Տիգրան Հեքեքյանը: Երաժշտի խոսքով՝ չորս օրում պետք է ձայնագրվեն 10 ստեղծագործություն:

Ճապոնիայից Երևան է ժամանել 4 մասնագետ՝ կազմակերպության տնօրենը, հնչյունային ռեժիսորը, պրոդյուսերը, լուսանկարիչը: Ինչպես հայտնի դարձավ ասուլիսում, «Վիկտոր Էնթերթեյնմթ» կազմակերպության պրոդյուսեր Հիրոշի Նագանոն փոքրիկ երգիչների կատարումները լսել է պատահաբար հեռուստատեսությամբ՝ ուղիղ մեկ տարի առաջ:

- Մենք տեսել ենք այդ հաղուրդումը՝ նրանց մասնակցությամբ: Շատ տպավորված ենք և ցանկանում ենք, որ այդ երեխաները երգեն ճապոներեն երգեր:

Ճապոնական կողմը ցանկանում է այդ երգերից ստեղծել ձայնասկավառակ և տարածել ողջ Ճապոնիայով:

շնորհակալություն Աննա Վարդանյանինն այս նյութը տրամադրելու համար!

նյութը վերցված է՝ http://culture.am/hy/երաժշտություն/հայ-փոքրիկ-երգիչներ/

Տեսանյութը ներկայացված է Հասեգավա Արիհիկոյի կողմից