03/27/2016-ին Սուրբ Զատկի տոնական միջոցառումներ`Հայաստանի մայրաքաղաքի բոլոր վարչական շրջաններում
Սուրբ Զատկի տոնի կապակցությամբ տոնական միջոցառումներ են անցկացվել մայրաքաղաքի բոլոր վարչական շրջաններում:
Ինչպես տեղեկացնում են Երևանի քաղաքապետարանի տեղեկատվության և հասարակայնության հետ կապերի վարչությունից, եկեղեցիների բակերում, զբոսայգիներում, որոշ տեղերում նաև բակային տարածքներում կազմակերպված զատկական տոնախմբություններն ուղեկցվել են ազգագրական ու ժողովրդական երգուպարով, ձեռքի աշխատանքների ցուցադրությամբ և, իհարկե, տոնի խորհրդանիշ ձվակռվով: Կազմակերպվել են նաև ցուցահանդեսներ և հյուրասիրություն՝ ներկած հավկիթներով ու տոնի ավանդական կերակուրներով:
Զատկի տոնի նախօրեին, ի դեպ, տոնական միջոցառումներ ու հանդեսներ են տեղի ունեցել նաև մայրաքաղաքի դպրոցներում, մանկապարտեզներում և մշակութային հաստատություններում:
Հեղինակ:
«Փաստինֆո»
նյութը վերցված է՝ http://www.pastinfo.am/hy/node/94474
