Լիա Աբրահամյանի կուսուդամա ցուցահանդես (տեսանյութ)
2016 թվականի հոկտեմբերի 18-ին, ԷՕՆի թեյի ակումբում ժամը 17:00-ից 18:00-ը տեղի ունեցավ Լիա Աբրահամյանի շուրջ 50 «Կուսուդամա»՝ ճապոնական օրիգամիների ցուցահանդես վաճառքի բացումը,
որը այդ ակումբում կտևի մինչև Նոր տարի և վարպետության դաս, որին շատ հետաքրքրված մասնակցում էին հիմնականում երեխաները: «Կուսուդամա» ցուցահանդեսը արդյունք է Լիա Աբրահամյանի ճապոնական մշակույթի նկատմամբ ունեցած իր նվիրմանը, որի շնորհիվ մասնակիցներին հնարավորություն տրվեց ճանաչել ու մոտենալ այս աշխարհին։ Հեղինակը տարիներ ի վեր ուսումնասիրել ու հմտացել է Ճապոնիայում տարածված թղթի ծալման արվեստին, այն է՝ օրիգամիին որի բազում զարգացումներից մեկն էլ կուսուդամայի բազմածալ ճյուղն է։ Կուսուդաման ճապոներենից թարգմանաբար նշանակում է «բժշկող գունդ»՝ նկատի ունենալով խնկի կամ չորացրած ծաղիկներից կազմված փունջը և դրա այրումից առաջացած բույրը։ Հետագայում կուսուդամաները սկսեցին պատրաստել թղթից, որի մասնիկները կարող են տատանվել 6-ից մինչև 60 ու ավել բաղադրիչների միջև։
Կուսուդամաներին նվիրված այս առանձին ցուցահանդեսը բացառիկ է Հայաստանում իր թեմատիկայով, ընտրված նմուշներով և կատարման հմտությամբ:
Հեղինակ՝ Հ. Մուրադյան
