ՖՈՏՈ։Ճապոնիայում Հայաստանի դեսպանության հովանու ներքո համերգներ

Մայիսի 26, 28

Ճապոնիայի Տոկիո և Օսակա քաղաքներում կայացել են դաշնակահար, «Secrets of Armenia» նախագծի հիմնադիր Միքայել Հայրապետյանի և դաշնակահար Յուլիա Հայրապետյանի համերգները՝ Ճապոնիայում Հայաստանի դեսպանության հովանու ներքո։

Տոկիոյի «Musicasa” համերգասրահում անցկացված միջոցառումը մեկնարկել է դեսպան Մոնիկա Սիմոնյանի ելույթով,

ով կարևորել է հայկական հարուստ երաժշտական ժառանգությունը ճապոնացի ունկնդրին ներկայացնելու հնարավորությունը, որը ոչ միայն նպաստում է Ճապոնիայում Հայաստանի ճանաչելիության մեծացմանը, այլև մերձեցնում հայ և ճապոնացի ժողովուրդներին մշակութային փոխընկալման միջոցով։

Համերգներին հնչել են Կոմիտասի, Խաչատուրյանի, Բաբաջանյանի, Բաղդասարյանի, Եկմալյանի, Տիգրանյանի, Սպենդիարյանի, Բարխուդարյանի եւ հայազգի այլ կոմպոզիտորների ստեղծագործություններ։

նյութը վերցված է Embassy of Armenia to Japan ・駐日アルメニア共和国大使館