Պաշտոնական ընդունելություն Ճապոնիայում Հայաստանի Հանրապետության Անկախության օրվա առիթով

Սեպտեմբերի 26-ին Հայաստանի Հանրապետության Անկախության օրվա առիթով Տոկիոյի «Օկուրա» հյուրանոցում կայացել է պաշտոնական ընդունելություն։

Միջոցառմանը մասնակցել են Ճապոնիայի արտաքին գործերի խորհրդարանական փոխնախարար Մացումոտո Հիսաշին, Ֆուկուշիմա պրեֆեկտուրայի Մինամիայձու քաղաքի քաղաքային խորհրդի նախագահ Յամաուչի Տադաշին, Ճապոնիայի կառավարության պաշտոնյաներ, խորհրդարանի անդամներ, գործարարներ, գիտության և մշակույթի գործիչներ, հայ համայնքի ներկայացուցիչներ։

Դեսպան Մոնիկա Սիմոնյանն իր խոսքում անդրադարձել է 2025 թվականի ընթացքում երկկողմ հարաբերություններում արձանագրված ձեռքբերումներին, Օսակա քաղաքում ընթացող համաշխարհային ցուցահանդեսի շրջանակներում Հայաստանի ներկայացվածությանը և Ազգային օրվա կապակցությամբ սեպտեմբերի սկզբին կայացած ՀՀ վարչապետի պատվիրակության այցին, Գունմա պրեֆեկտուրայում բացված ԹՈՒՄՈ կենտրոնի աշխատանքին, երկկողմ գործարար կապերի զարգացմանը միտված միջոցառումներին։

ԱԳ խորհրդարանական փոխնախարար Մացումոտո Հիսաշին անդրադարձել է հայ-ճապոնական բարեկամական հարաբերություններին և դրանց զարգացման հեռանկարներին՝ կարևորելով փոխգործակցության շարունակական ընդլայնումը։

Մինամիայձուի քաղաքային խորհրդի նախագահ Յամաուչի Տադաշին կարևորել է սպորտի և մշակույթի ոլորտում Հայաստանի հետ հաստատված սերտ համագործակցությունը և հույս հայտնել, որ ապագայում առկա կապերն առավել կխորանան։

Միջոցառմանը Տոկիոյի երաժշտական քոլեջի ուսանողները կատարել են հայկական և ճապոնական ժողովրդական ստեղծագործություններ։

նյութը վերցված է Embassy of Armenia to Japan ・駐日アルメニア共和国大使館